Diese Seite steht hier seit 27.09.99. Wenn Sie orthografische Schwächen des Schwäbischen stören, dann mailen Sie mir's.Wenn Ihnen das Rezept zu spanisch vorkommt, kann ich es auf Anfrage auch ins Deutsche übersetzen lassen.
| Für de Doig broucht mr: | Für d' Füllung broucht mr: | Des muscht oikaufe: | Do machscht e Häkle, dass d’s au werkli hascht ü |
| e bissele Milch (handwarm) | Milch | ||
| oi Päckle Hefe | oi Päckle Hefe | ||
| vierhondrt Gramm Mähl | 40 g Mähl | 440 g Mähl | |
| e vierdl Pfund Budder | ¼ Pfund Budder | ||
| zwoi Oier | 3 Oier | 5 Oier | |
| Salz | Salz | Salz | |
| räächd (Anm. d. Übers.: reichlich) Kümmel fier 'd Verdauung!! | Kümmel | ||
| vier Pfund Zwieble | 4 Pfund Zwieble | ||
| ¼ l Sahne (oi Becherle) | oi Becherle Sahne | ||
| 100 g dünschdede Speckwürfel | 100 g Speckwürfel |
Des Ganze langt für mindeschtens drei hungrige Schaffer, für d`Kinnr langets au noh, un wenn ett, na machscht halt zwoi Blech, odr?
Z'erscht schälscht d' Zwieble un machscht Ring' drous! Med em Krauthobel geht’s am beschte.
Ous dene Zuatate für de Toig machsch an Häfedoig, läscht `n mindeschtns a halb Schtund gehe. Zwoi Schtunde sen bessr.
Derweil nimmscht an grohse Dopf unn bräätscht d'Zwieble aa, awwer bloß glasig dünschte, se sollet ett broun werre! D’Schbäckwürfel bräätscht aa aa.
Ous em Rest für d' Füllung machscht en Pfludder unn den rührscht nachher onner die Zwieble!
Na guckscht, daß D' en Teig ousrollscht unn ouf Doi Blech kriegscht. Naa schmeißt d'Zwieble mid de Schbäckwürfl druff, unn schiebscht des ganze in de Ofe. 200°C vierzg Minutte, aber guckscht ab un zu amal!
Am beschte trinkscht an schwäbische Mooscht dezue. Hinterher brouchscht an Schnabbs, sonsch packsch's net. Am nägschte Dag hoscht ouserdem en indresande Schiß!
